Argitalpenak

Hitzaurrea

Klasikoen bilduma honetan eta beste argitalpen batzutan ere, Lauaxetaren lan batzuren berri izan dugu: olerkigintzan, antzerkigintzan, kazetaritzan. Lauaxeta pertsonaia polifazetiko bezala agertzen zaigula ikus dezakegu, haien artean oso desberdinak diren lanak burutuz, beste euskal idazle askok egin eta egiten duen bezala.

Bilduma hau Lauaxetaren kazetaritza arloko lana osatzera dator, ez guztiz baina bai garai bateko lana behintzat. Lan hauetan Lauaxeta literatoaz aparte, Lauaxeta euskaltzalea, abertzalea, politikoa, erlijiosoa, eta inoiz itzultzailea agertzen zaigu. Irakurleak bilduma lan honen bidez, gure olerkariaz ikuspegi osoagoa eta zabalagoa egiteko aukera izango du, askorentzat agian oso gutxi aztertuak edo la ezezagunak izan diren alde batzuk ikutuz. Bere figura osotasunean ezagutzea zaila den arren, hurbilketa bat izan dadila liburutxo hau!